港女大觀園

Financial Planner 上 Skout

我有啲朋友都有玩 Skout 嘅.咁大家single 又無話唔玩得嘅.之前,我個朋友就有個咁嘅經歷.
朋友C,乖仔一名,四眼斯文,名校畢業,但因為工作關係唔係太容易識女仔.於是咪用吓App 識人.
咁就俾佢識到一個斯斯文文的女仔,長頭髮,文靜Type,叫Isabella,佢就覺得好啱自己.於是就約出來,佢地去了又一城食Lunch,約出來之前Isabella 都有話自己係做保險嘅,不過朋友C覺得 Isabella 唔係好Chur 那一種人,都可以試下做朋友呀.
第一次約出來食飯,首先,朋友C好高興,Isabella 真人同張相差不多.之後,大家都相處得好融洽,大家閒話家常,她又冇講保險之事,她個人又真係好斯文.於是朋友C對她印象都好好,之後他們仲去了行書店.
好快又約了第二次食飯,依然感覺良好,言談中也是傾吓養貓,以及家庭樂等話題,朋友C覺得呢個女孩十分正常,打算追她了.
之後Isabella 去了公司的Trip, 回來後朋友C急不及待打電話給她,跟她聊天,又想再約她出來,點知,Isabella 在電話里面,用温柔的聲線,和朋友C說,”其實呢,雖然我上年拿了MDRT,但今年到宜家為止我都未開單呀,所以我呢排,要做野,比較忙”,然後將話題一轉,”咁其實你買了危疾未呀?危疾要一人一份放在屋企看門口,男人到咗30歲好多病痛都會來…”
朋友C即刻收起熱情,變回佢平時的Poker Face,” 哦講得好好呀.”
Isabella 見自己衰咗, 就話”咁其實我都好忙,我地遲D再傾.”,便匆匆收線.,
一切由電話開始,亦由電話終結.

Advertisements
Standard
Carolyn 公主

公主眼中的公主

那一日,我在Cafe如常寫作,正在想究竟仲可以寫些甚麼是關於Carolyn, 突然,我望一望門口,有一個好似Carolyn 的人,唔係,係Carolyn 衝了入來!
“Jason, 你點解會係度?”
“我出來寫吓稿,多點靈感.你呢?
“我約咗個Friend 食High Tea,但我早到了成個鐘,所以先來這里坐一下.”
“你和A先生點呀?在Facebook 見到你地成日一齊”
“Oh it’s a very good question! I don’t know, it’s a mess!”
“你地又復合了?”
“I don’t know.He is my best friend!”
“你地成日一齊,他會唔會以為你地拍緊拖?”
“唔知佢.不過我Facebook 都冇寫In a Relationship 呀.”
原來Facebook 就是生活,比真實更真實.
“你地會唔會結婚?”
“不會!” 她十分肯定地說.
“咁如果佢向你求婚?”
“我咪Say No,我會叫他專注事業,我會話”等你事業好D先啦.””
“但你日日同佢一齊,仲邊有時間識一個新的?你又成日話要找個事業有成的.”
以下說話,真的出自她口中,
“其實我有嚴重的自戀傾向,我有公主病,要人Serve 架,事業有成的邊會理我呀!”
我好驚訝,原來佢知架.
“你自己都知?”我問
“你又知?你點知?” 她更驚訝,她以為她將秘密講咗俾我聽.
“看得出來呀!所以你就同A先生一齊?因為佢係僕人?”
Carolyn 似被看穿了一般,嘆一口氣,“係,不過,He is not servant enough, 我想揾個再僕人一點的.”
“吓,佢仲唔夠僕人呀?!”
“我想找一個真心Serve 我的人呀,你有冇聽過Servant Leadership…..”
Carolyn 公主有自知之明,目標明確,值得讚賞,我在這里祝她好運.雖則我覺得她尋找的,都算係Mission Impossible.

Standard
港女大觀園

過日晨港女的一天

港女是如何練成的?唔好講笑,冇番三,五,七年在香港居住的經歷真係無法做到.要做港女要達四大標準,快,狠,嘈,八.
首先,港女朝早一起身,要梳寫,戴大眼仔,整下整下遲咗出門.
之後她着住三寸高跟鞋狂跑,去到地鐵,要準備衝線咁入車廂,如果唔係,真的未必有位企,同埋唔知第幾班上到.衝到入去,梗係要保護自己啦,如果唔係港男掂到我,蝕晒.拿個電話出來,等個人可以佔多點空間.
好不容易到公司,公司最近有個新仔,四眼男,斯斯文文,名校大學畢業,佢咁醒呢D Files 就俾晒佢做啦.我就玩吓Skout,Line,Whatsapp 得啦.港女心諗”我係女人你唔係唔幫我呀!”
好不容易又Lunch Time,同班姊妹食飯先.港女呢排冇男朋友,冇追求者,又自己出錢買咗幾個包包.冇法啦,食住cheap 野先.
去到餐廳,兩個港女叫一個飯一齊食,唔係因為她們口味一致,又唔係特別好朋友,只係因為她們又On Diet 啦.
過咗10分鐘個飯仲未到,咁香港食飯時間得一個鐘又真係好趕的.
港女大叫,”喂,我地D飯仲未到呀,你跟一跟啦,其他人的都來齊了.”
之後象徵式咁食吓飯,講一些講咗等於冇講的說話.
下午,又唔想做野,呀,反正部電腦咁慢,打俾IT Support 話部電腦壞咗先.
“IT Support 呀,我係Marketing 的 Sara 呀,我部computer 好慢,做唔到野呀,我又有份Report 趕住交,可唔可以快D派人來睇?”
整下整下電腦又過了一個下午.
之後港女Check吓Skout,
”哈哈又有20個狗公同我chat!
好彩上個月去工聯會學咗Photoshop,真係好有用呀!”
這就是過日晨港女的一天.

Standard
Carolyn 公主

到此一遊

Carolyn 公主最鐘意的活動,除了自拍之外,就是去聽Concert.
當然,重點不是聽,而是拍照,仲有在Facebook 打卡.
這一天,我們來到大會堂看一個演奏會.
不要問我是甚麼人的演奏,事實是她有些免費飛,所以把我也叫來.
演奏會前有些時間,我們當然去了食下午茶啦.
下午茶的活動不外乎是自拍,和自拍.
到了大會堂,她第一件事,就是拿着張飛,影幾十張相,然後揀幾張靚的,用來在Facebook 打卡.
Carolyn is at 大會堂-Feeling Excited.
等到所有指定動作也做齊,演奏會也正式開始.
而這個時侯,Carolyn 也感到一陣倦意.
當其他人為這次的四手聯彈大拍手掌時,我回頭看她,她,竟睡着了.
中場休息時,我問,”覺得個Concert 點呀?”
“Oh, 佢地彈得好好呀,我呢排失眠,剛才竟然睡着了,真的是好好的催眠曲!”
此刻,Carolyn 看她的Facebook, 她興奮到彈起,她的”朋友們” 的留言如下:
“O girl you are so cultural!!!”
“Concert Queen Carolyn!!”
原來,她去演奏會的目的是為了這個!

Standard
Carolyn 公主

港女公主與王子

大家也許也會好奇,一個像Carolyn 這樣的女孩,她有冇拍拖呢?如果有的話她的男朋友又係點嘅樣?答案就是,她渴望有一個王子,而願意跟她一起的,是一個僕人.
每次見Carolyn 時她總是滿腔愛情理論,拍過一次拖的她,對戀愛仍然充滿憧景,成日希望有個白馬王子出現,他高大威猛,事業有成,又有文化!操着British Accent 的英語,騎着馬車,接Carolyn 到古堡居住.
這就是她對愛情的期待,也可算是她的終極幻想.
大家想像到這個人如果存在,應該存在於300年前的英國.
而在現實中,她從沒遇到和白馬王子有十分之一似的人.
再加上Carolyn 由中學,大學到研究院都是讀文科,班中,糸中的男生,五隻手指數完.
這麼多年來,她倒也吸引了一個男生,而他就是Carolyn 的前男友,A.
A 跟白馬王子一點也沾不上邊,就是一副僕人模樣,常跟在Carolyn 身後,負責幫她拿袋,揸相機等等.A 不務正業,30出頭,頭上已有地中海,坐的時侯還會抖腳.
究竟Carolyn 對這一切是否視若無睹?還是,她始終需耍一個幫她挽手袋的男人?
其實Carolyn 應該知道,即使真的出現王子,他也不會好似個僕人咁,跟在她身後的.

Standard
Carolyn 公主

“I AM A MODEL!”

“I AM A MODEL!”
在Carolyn 的心目中,她是一個Model.當然,她沒有靠做Model而賺過一蚊.
有一日,我們在Element 的王子飯店食飯,食飯的時侯,Carolyn 只係象徵式地每一道菜食一至兩件.
當然,她很乖地為每一道菜拍下寫真,然後上載Facebook.
不過其實食完飯先至係戲肉呀.又是她的個人寫真拍攝大會啦.
當日,她設備齊全,自己帶了 iPhone,叫我帶埋單反,而攝影用的道具:太陽鏡,從旅行購回來的帽也帶了.
最厲害是她拍攝的地點的選擇超有創意,Element咪有很多名店嘅,那天我們食完飯,名店也關門了.
Carolyn 說,”That’s so awesome!用來拍照一流!
Chanel,Cartier,Dior 均成了她的佈景板.
最有趣的是當她見到那里一個充滿藝術感的特大休息坐椅時,她二話不說衝上去,當她是大草原一樣躺在上面,擺姿勢拍照.
“Why?”
Carolyn用法國口音說, “Because,I am a model!”

Standard
Carolyn 公主

和公主喝下午茶

Carolyn 公主教的中學,是有夏令時間的,下午2:55 pm,我收到她的Whatsapp,” What are you doing? Want to have tea with me?” 身為全職作家的我,原本都想打稿,反正缺乏靈感,便出去食個下午茶吧.”誠品旁的Cafe Habitu,see you in half an hour.”
“Hi Jason.” 她如常用她那高八度的聲線跟我熱情地打招呼.
“Hi Carolyn.”
現在是下午3:30 pm,我們在Cafe內,Carolyn 帶着她那蓋着半個臉的特大太陽眼鏡,大動作地向我揮手.
“我還帶了一大叠English Composition 來改,簡直係寓工作於娛樂.”
“哈哈,你真識嘆.”
“來這里就梗係要飲Rose Latte 啦,好好飲架.”
“我要Espresso 得啦.”
等咖啡來了之後,她立刻把iphone 給我,”Hey,你幫我影相呀.”
說着便拿起咖啡杯,擺起姿勢來.
“好啦,我影咗兩張啦.”
“俾我睇一下,俾我睇一下.”接着她把iphone 搶回.
“咦,影得唔係幾好,再影過,再影過.”
我又幫她影了三張相.
“呢幾張終於okay啦.Oh wait, 我唔記得戴Sunglassses!!”
“吓?!”
“Jason, 唔該你同我再影多幾張.”
“好啦.”我無奈地說.
“Thank you!!You are so nice!”
一個Tea Time,又變了她的攝影大會.
“好.等我即刻Post上Facebook 先.”
十分鐘後,她興奮地拿着iphone對着我說,
“你睇吓,已經有19個like了.”
“喂Jason,你唔好掛住在電腦度打字啦.”
“哦冇呀,執番靚份稿..”
如果她知道我此刻係打緊這一個關於她的文章的話,不知道會點呢?
audrey

Standard