By Jason, 反佔中

Facebook 與佔中


佔中事件持續了一個禮拜, 到現在仍沒有停止的跡象, 我不禁要問一句,”究竟這件事要持續多久?”
唔通真的如我個朋友所講, “分分鐘搞到聖誕!” 這樣會唔會誇張咗D?
呢幾日一打開Facebook, 那些食飯Post, 飲野Post, Travel Post 全都不見了, 有的是各方人士的表態 ,
“我今日會去飲, 旺角見!”
“支持香港警察!”
當然, 我這里所節錄的是較温和的, 仲有就是一堆粗口罵戰, 互相稱呼為”五毛”,”黄巾賊”, “藍屍帶”。
這麼難聽的稱呼, 大概只有香港人先講得出。
一向以來, 悶悶地, 就上Facebook 輕鬆一下, 睇吓D friend 去旅行, 食大餐的相, 都叫做望梅止喝啦。
但這一個星期多來, 輕鬆的Facebook 不見了, 歡樂的Facebook 不見了, 一上Facebook 就好似上戰場一樣, 真係令人無晒心情, 無眼睇呀。
其實大家也要想一想佔中是為了甚麼。
平心而論, 如果係可以改變了一些事情, 那也許也是值得做。
但現在沒有,將來也不會有, 只是影響了民生, 加強社會分化, 仲引了一班人出來搗亂。
難道那些學生們真的以為自己係為民請命, 做着對的事?
SCMP 02JUL14 NS CHATER18  DW__4386A.JPG

Advertisements
Standard
By Jason, 反佔中

我, 反佔中, 但我可以做甚麼 ?

作為一個愛好和平的反佔中人士, 我, 反佔中, 但我可以做甚麼?
難道我出街去佔西環, 以表達反佔中訴求?
我亦唔會選擇去到銅鑼灣, 旺角, 當街當巷和黃巾人士對罵。
我亦唔會花費金錢, 去星島日報, 經濟日報登廣告, 說明我反佔中。
我們是沈默的大多數, 我們甚至不會在Facebook Status 打句粗口話任何人。
我們甚至見到很多中肯的言論, 也沒有share 出去, 為甚麼一個人說出事實真相要怕被罵?
全城陷入瘋狂罵戰, 很多亳無Logic 的黄巾人士, 發表一堆負面言論, 誤信謠言, 只看到自己想看到的, 而當中很多都是 Highly Educated 人士, 都真係令我好失望。
因為這又是一個劣幣驅逐良幣的例子, 又是聰明人被愚人欺負的例子!
作為一個愛好和平的反佔中人士, 除了不參與罵戰, 我們還可以做些甚麼?

no

Standard
By Jason, 反佔中

我認, 我反佔中


我認, 我反佔中。
反佔中的, 唔係只係得一些阿叔阿伯。我是年輕人, 我都親身體會了我們呢一代年輕人在香港機會真的少了好多。就算你外国名牌大學畢業, IQ 130, the point is, 香港冇咁多飯碗俾你争, 就算有飯碗, 里面都冇飯嘅! 咁但係點呢, 你上街遊行, 阻住條路, unfriend 你 facebook 的”friends”, 就算真係俾你換埋個特首, 都唔會解決到呢個結構性社會問題。
占中人士唔明白, 他們咁做, 傷害了一些人之餘, 亦不會解決到佢想解決的問題。
香港的問題, 係民生問題, 唔係話禁個制就搞掂, 現在不是整電腦。
所謂的民主選舉, 只會帶來沒有最差, 只有更差的局面。
而且, 另一方面, 現在荒謬的事情是, 支持警察, 反佔中的人, 反成了罪人, 隨時俾人unfriend, 用粗口罵!
我,
反佔中,
唔代表我支持共產主義。
我只是反對佔領中環, 佔領銅鑼灣這個行為。
成件事反映了甚麼? 某些黃巾人士心胸狹窄, 非友即敵。我估唔到咁多香港人咁唔文明, 同中學時玩小圈子, 排擠同學有乜分別?

Occupy-Central-protest-

Standard
港女大觀園

湊女之需要

在香港拍拖,要服待港女,基本上,等於湊女.而個女仲要係相等於10歲以下的小學生.我唔係話佢地智商似小學生呀,而係佢地會Expect 你好似湊小學生咁湊佢地.
Jason 有幸曾在托兒所,呀唔係,係補習社工作.對照顧小學生都有D心得.
上次同朋友Mr. G食飯,又講起呢個話題,
“湊小學生同湊港女差不多,分別係,你不用帶港女去洗手間,不過就要在洗手間門口等佢.
小學生都識自己拿書包,港女就要你幫佢拿袋.”
“點至呀,佢飲野你要幫佢插好飲管,上次我見到有個女孩,廿十多歲,和我們差不多大,鞋帶鬆了,個男仔幫她綁.”
“有D女仔會覺得咁嘅男仔先Gentleman,其實就成個僕人咁.”
“這些叫做韓劇觀眾症後群,睇得韓劇多,係好多女仔係Single 的原因.”
“關咩事呀?”
“佢地期待一個白馬王子和僕人的混合體,根本不存在於這個世界上,而最大問題係,佢地根本唔係公主…”
如果悶的話都可以同港女拍吓拖,但就要有湊女之心理準備.

Standard
By Jason, 神秘的初戀

拎不起,放得低

人越大,便越能放得低,但同樣地,亦很難拎得起.
十多歲的時侯,我很容易便喜歡上一個人,很容易會將一個人放在心里面,然後向全世界宣佈我喜歡她.每日會留意她的一舉一動,每日一定會爭取時間同她聊天,上堂的時侯思考一下一陣間同她傾的話題,小息買野食的時侯盡量排在她後面.每日的生活就是這樣.
後來,當我失去她的時侯,我也花了很長的時間才把她放下.主要的原因,係我一直以為她係唯一.
就好似咖啡師說”我要沖一杯專屬的咖啡給你”一樣,呢句說話他和每一個入店里的客人都是這樣說,每一杯咖啡也是唯一,也其實沒有真正的唯一.
就像那個女孩,初時遇到的時侯我以為她是唯一,失去了之後,又遇到另一個唯一,然後又另一個.在我遇到幾個不同的女孩之後,我發現她們是多麼的相似,原來咖啡就是咖啡,女孩就是女孩.
然後,我漸漸變成一個拎不起,放得低的人.
我不清楚這是好還是不好,但卻是一個自然進程.
有時真想問16歲的那個自己,這樣的進化,你滿意嗎?
現在我不會希望自己能放低一個人,我反而希望我仍然可以,將一個人,好好的放在心里,可以很容易便”拎得起”.

Standard