By Jason, 反佔中

Facebook 與佔中


佔中事件持續了一個禮拜, 到現在仍沒有停止的跡象, 我不禁要問一句,”究竟這件事要持續多久?”
唔通真的如我個朋友所講, “分分鐘搞到聖誕!” 這樣會唔會誇張咗D?
呢幾日一打開Facebook, 那些食飯Post, 飲野Post, Travel Post 全都不見了, 有的是各方人士的表態 ,
“我今日會去飲, 旺角見!”
“支持香港警察!”
當然, 我這里所節錄的是較温和的, 仲有就是一堆粗口罵戰, 互相稱呼為”五毛”,”黄巾賊”, “藍屍帶”。
這麼難聽的稱呼, 大概只有香港人先講得出。
一向以來, 悶悶地, 就上Facebook 輕鬆一下, 睇吓D friend 去旅行, 食大餐的相, 都叫做望梅止喝啦。
但這一個星期多來, 輕鬆的Facebook 不見了, 歡樂的Facebook 不見了, 一上Facebook 就好似上戰場一樣, 真係令人無晒心情, 無眼睇呀。
其實大家也要想一想佔中是為了甚麼。
平心而論, 如果係可以改變了一些事情, 那也許也是值得做。
但現在沒有,將來也不會有, 只是影響了民生, 加強社會分化, 仲引了一班人出來搗亂。
難道那些學生們真的以為自己係為民請命, 做着對的事?
SCMP 02JUL14 NS CHATER18  DW__4386A.JPG

Advertisements
Standard
By Jason, 反佔中

我認, 我反佔中


我認, 我反佔中。
反佔中的, 唔係只係得一些阿叔阿伯。我是年輕人, 我都親身體會了我們呢一代年輕人在香港機會真的少了好多。就算你外国名牌大學畢業, IQ 130, the point is, 香港冇咁多飯碗俾你争, 就算有飯碗, 里面都冇飯嘅! 咁但係點呢, 你上街遊行, 阻住條路, unfriend 你 facebook 的”friends”, 就算真係俾你換埋個特首, 都唔會解決到呢個結構性社會問題。
占中人士唔明白, 他們咁做, 傷害了一些人之餘, 亦不會解決到佢想解決的問題。
香港的問題, 係民生問題, 唔係話禁個制就搞掂, 現在不是整電腦。
所謂的民主選舉, 只會帶來沒有最差, 只有更差的局面。
而且, 另一方面, 現在荒謬的事情是, 支持警察, 反佔中的人, 反成了罪人, 隨時俾人unfriend, 用粗口罵!
我,
反佔中,
唔代表我支持共產主義。
我只是反對佔領中環, 佔領銅鑼灣這個行為。
成件事反映了甚麼? 某些黃巾人士心胸狹窄, 非友即敵。我估唔到咁多香港人咁唔文明, 同中學時玩小圈子, 排擠同學有乜分別?

Occupy-Central-protest-

Standard
有一個小女孩

從前,有一個小女孩 -(2)

她真的同我平時見開的港女好唔同,如何說呢?
雖然她有時會說出一些好Random 的Comment.但係,她真的好願意聆聽我說話!這就和Carolyn 公主相反,她會讓我把話說完!
當我和很多港女相處過之後,遇到她,我真的感覺萬幸.
和她傾完之後,雖然任何問題也沒有解決,但我感到舒暢了許多.我相信她會是一個好社工.我可以identify 到她用的Counseling Technique,例如從來不批評我,只重覆我所說的話,從來唔俾意見,唔俾答案對方.我很感謝她這麼有耐性,而我希望她沒有把我當成她的Client 吧.
無論如何,我是真心感謝她的.

Standard
有一個小女孩

從前,有一個小女孩- (1)

Natalie係中大一個大學生,讀社工糸,第一次見她的時侯,我對她一啲印象都沒有,她應該算是鄰家女孩那一種吧.她就好像是,在你暑假的時侯,參加的一個Summer Camp,隔離枱有4個女仔成日圍埋一齊講野,她會是其中一個.然後到你出Camp,你會記得,好像有幾個女孩,都是留着長頭髮,冇戴眼鏡,人挺友善的,但是,你就是不會記得她的名字,亦唔太記得她的容貌.
她就是這樣的一個女生,在你身邊總會有一個吧.
頭幾次約出來,我對她也沒有甚麼特別感覺,而且每次都是一班人約出來的.初時我對她印象麻麻,因為她每一次都遲到!而我就最不喜歡沒有時間觀念的人.
後來,我怎樣和她變成朋友呢?我記得是因為我不是太開心,跟住我又想找個人傾訴,因為我記得佢係社工糸,所以便找了她傾訴.

Standard